कञ्चनपुर। कञ्चनपुर जिल्लाको महेन्द्रनगरमा गुगुल्डि वाङमय प्रतिष्ठानले विगतका परम्परा अनुसार नै गौरा बनाउने निर्णय गरेको छ।
सुदुर पश्चिम प्रदेशको पहिचानको गौरा पर्वलाई परम्परा भन्दा फरक ढंगले मनाउन नेपाल पञ्चाङ्ग विकास समितिले उर्दी जारी गरेपछि उक्त कार्य प्रति यहाँका जनताले असन्तुष्टी जनाउँद गुगुल्डि वाङमय प्रतिष्ठानले आज सास्कृतिक विमर्श कार्यक्रमको आयोजना गरी विगतका परम्परा अनुसार नै गौरा बनाउने निर्णय गरेको हो ।
आजको उक्त कार्यक्रममा सहभागी भएका प. जगदीश ओझाले सनातन सभ्यतामा कतिपय कर्म सम्पादनका मान्यता त्यहाँको देशाचार,लोकाचार,कुलाचार को मान्यताले हुँदै आएकाले यस्ता पहिचान र मौलिकता बोकेका हाम्रा पर्व त्यही अनुसार मनाउनु पर्नेमा जोड दिनु भएको थियो।सुदुर पश्चिममा गौरा पर्व मनाउनु अगाडि अधिकाँश ठाउँमा गौरा एकादशी अथवा पुत्रदा एकादशी नउपासेर मनाउने चलन छैन त्यसैले अधिकाँश सहभागीले हचुवाको भरमा जिम्मेवार निकायले उर्दी जारी गर्दा आफ्नो मान मर्दन भएको गुनासो पोखेका थिए।
सुदुर पश्चिमका ज्योतिषले भाद्र २१ गते गौराको लागि उपयुक्त हुन्छ भनेर आवाज उठाए सङ्गै केन्द्रले विज्ञप्ति जारी गरी ७ गते मनाउन अपील गरेको थियो।
तर अधिकांश ठाँऊमा गाउँ समाजमा बसेर २१ गते निर्णय गरेको र सोही क्रममा सुदुरपश्चिम प्रज्ञा प्रतिष्ठानद्वारा आयोजीत कार्यक्रममा पनि वक्ताले २१ गतेको माग गरेकोले प्रदेश मन्त्रीलाई ज्ञापन पत्र समेत बुझाएका थिए ।
