महेन्द्रनगर । भीमदत्त नगरपालिकाले १४ औं जिल्लास्तरीय राष्ट्रपती रनिङ शिल्ड प्रतियोगितामा सहभागी हुने खेलाडीहरुलाई विदाई गरेको छ । कृष्णपुर नगरपालिकाको गुलरियामा माघ २५ गते देखि २७ गते सम्म सञ्चालन हुने १४ औं राष्ट्रपति रनिङ शिल्ड प्रतियोगितामा सहभागी हुने खेलाडीहरुलाई बुधबार एक कार्यक्रमकाबीच शुभकामना सहित विदाई गरिएको छ ।
खेलाडीहरुलाई अबिर लगाएर कार्यवाहक नगरप्रमुख नीलम लेखक जोशी, नगर प्रवत्ता पदमराज अवस्थी, वडाध्यक्षहरु, भीमदत्त नगर खेलकुद विकास समितीका अध्यक्ष शरद चन्द लगाएतले शुभकामन दिदै विदाई गरेका थिए ।
खेलाडीहरुलाई शुभकामना दिँदै कार्यवाहक नगर प्रमुख जोशीले इमानदार,अनुशासन,उत्साह र उमंग साथ खेल्न र विजयी हात पार्न शुभकामना व्यक्त गरिन । यस्तै नगर प्रवत्ता अवस्थीले जिल्लास्तरीय प्रतियोगितामा पुन: उत्कृष्ट खेलेर प्रथम स्थान हासिल गर्ने विश्वास व्यक्त गरे ।
भीमदत्त नगरपालिकाले १२ औं र बेलौरीमा सम्पन्न १३ औं जिल्लास्तरीय राष्ट्रपती रनिङ शिल्ड प्रतियोगितामा प्रथम स्थान हात पारेको थियो ।
