महेन्द्रनगर । पेशागत बुद्धिजीवी विभाग नेपाली काग्रेस र नेपाल डेमोक्य्राटिक लयर्स एशोसियसनद्धारा आयोजित संविधान संशोधनः आवश्यकता र चुनौती’ विषयक सुदूरपश्चिम प्रदेशस्तरीय अन्तरक्रिया सम्पन्न भएको छ ।
शुक्रवार नेपाली कांग्रेसका नेता एवम् पूर्वमन्त्री गोपालमान श्रेष्ठको प्रमुख आतिथ्यतामा कञ्चनपुरको महेन्द्रनगरमा अन्तरक्रिया कार्यक्रम सम्पन्न भएको हो । अन्तक्रियामा वक्ताहरु एवम् सहभागीहरुले अहिलेको निर्वाचन प्रणालीका कारण देशले स्थिर सरकार नपाएकोले देश विकास तथा जनताका समस्या सम्बोधन हुन नसकेको बताएका छन् ।
यस्तै प्रदेश संरचना, धर्म निरपेक्षता, हिन्दुराष्ट्र, जिल्ला समन्वय समिति, समानुपातीक प्रतिनिधित्व लगाएतका विषयमा समेत सहभागीहरुले पश्न, सुझाव, सल्लाह दिएका छन् । कार्यक्रमका प्रमुख अतिथि पूर्वमन्त्री श्रेष्ठले स्थायी सरकार ल्याउन एवम् बनाउनका निम्ति संविधान संशोधन गर्नु परेको बताएका छन् ।
‘यो पद्धतीमा कुनैपनि दलले बहुमत ल्याउन सक्दैन । कुनैपनि दलले बहुमत ल्याउन नसक्ने पद्धती राखेर ५ वर्षका लागि प्रधानमन्त्री हुने पद्धती भएन ।’ उनले भने ‘त्यसले गर्दा अहिले दुई ठुला दल नेपाली कांग्रेस र नेकपा एमाले मिलेर ७ बुदेँ सहमती गरेर अहिले सरकार निर्माण भएको छ । ७ बुदाँमध्ये एक बुदाँ संविधान संशोधन गर्नुपर्ने हो । स्थायी सरकार ल्याउनका निम्ति, स्थायी सरकार बनाउनका निम्ति संविधान संशोधन गर्नु परेको छ ।’
कार्यक्रममा नेपाली कांग्रेसका केन्द्रिय सदस्य एवम् पेशागत तथा बुद्धिजिवि विभाग नेपाली कांग्रेसका प्रमुख डा. डिला संग्रौलाले संविधान संशोधन गर्दा राष्ट्रियता, लोकतन्त्र, गणतन्त्र, संघियता, समानुपातीक, समावेशी प्रतिनिधित्वको मुल संरचनालाई खलबल नपु¥याएर गर्नुपर्ने पक्षमा कांग्रेस प्रतिवद्ध रहेको बताइन् ।
नेपाली कांग्रेस कञ्चनपुरका सभापती एवम् भीमदत्त नगरपालिकाका नगर प्रमुख पदम बोगटीले अहिलेको निर्वाचन प्रणालीले देश अस्थिरतामा फसेको बताए । ‘यो निर्वाचन प्रणालीले गर्दा देशले स्थायी सरकार पाएको छैन ।’ उनले भने ‘राजनितिक अस्थिरताका कारण सरकार बनाउने, बन्ने, ढल्ने क्रम देशमा चलिरहेको छ अनि विकास, जनताका समस्याहरुको सम्बोधन कहिले हुन्छ ? त्यसैले स्थिर सरकारका, देश विकासका लागि यो निर्वाचन प्रणाली परिवर्तन गर्नु आवश्यक छ ।’
