महेन्द्रनगर । भीमदत्त नगरपालिका–०४ निवासी मोहन रोकाले आफ्नो जन्मदिन विशेष रूपमा मनाएका छन्। उनले जन्मदिनको अवसरमा महाकाली अञ्चल बाल अनाथालयका बालबालिकासँग केक काटेर, समय बिताउँदै उनीहरूलाई फलफूल, मिठाई वितरण गरेका छन्।
रोकाले आफ्नो व्यक्तिगत खुसीलाई समाजसेवामा रूपान्तरण गर्दै अनाथ बालबालिकाहरूसँग जन्मदिन मनाउनुको पछाडि प्रेम, सहानुभूति, र सामाजिक उत्तरदायित्व रहेको बताए ।
“जन्मदिन केवल आफन्तहरूसँग मात्र होइन, समाजका असहाय तथा बेसहारा बालबालिकाहरूसँग पनि मनाउनु पर्छ भन्ने सोच राखेर म यहाँ आएको हुँ,” उनले भने।
उनको यस कार्यले अनाथालयका बालबालिकाहरू हर्षित भएका थिए । बालबालिकाहरूले रोकासँग रमाइलो गर्दै जन्मदिनको केक समेत काटेका थिए ।
रोकाले निरन्तर यस्ता सामाजिक कार्य गर्दै आएका छन् ।
