महेन्द्रनगर । नेपाल लोकतान्त्रिक खेलकुद संघ कञ्चनपुरको प्रथम अधिवेशन आज(बुधवार) सम्पन्न भएको छ । नेपाली कांग्रेस कञ्चनपुरका सभापती एवम् भीमदत्त नगरपालिकाका नगरप्रमुख पदम बोगटीको प्रमुख आतिथ्यतामा अधिवेशन सम्पन्न भएको हो ।
कार्यक्रमका प्रमुख अतिथि बोगटीले खेलकुदको क्षेत्रमा संघको महत्वपूर्ण भूमिका रहने भन्दैँ यसले कञ्चनपुरको खेलकुदमा सुधार र प्रगति ल्याउने विश्वास व्यक्त गरे ।
बुधवार सम्पन्न भएको अधिवेशनबाट सर्वसहमतिमा राजेन्द्र केसी अध्यक्षमा चयन भएका छन् । यस्तै उपाध्यक्षमा गणेश बहादुर ऐर, महिला उपाध्यक्षमा लक्ष्मी भट्ट थापा, सचिवमा सागर बहादुर शाही, सह–सचिवमा गणेश खत्री, कोषाध्यक्षमा चक्र प्रसाद मिश्र चयन भएका छन् ।
यस कार्यक्रममा विभिन्न खेलकुदकर्मी र संघका सदस्यहरूले सहभागी भएर कञ्चनपुरको खेलकुदलाई नयाँ ऊचाइमा पुर्याउने प्रतिबद्धता जनाएका छन् । कार्यक्रममा अन्य वक्ताहरूले खेलकुद क्षेत्रको विकासका लागि लोकतान्त्रिक सोच आवश्यक रहेको भन्दै संघले खेलाडीहरूको हकहितको लागि महत्वपूर्ण भूमिका निर्वाह गर्ने विश्वास व्यक्त गरे ।
उनीहरूले खेलकुदले राष्ट्रिय तथा अन्तर्राष्ट्रिय स्तरमा देशको पहिचान उजागर गर्न मद्दत गर्ने भएकाले यसको प्रवद्र्धनमा सबैको योगदान हुनुपर्नेमा जोड दिए ।
कार्यक्रममा सुदूरपश्चिम प्रदेश सभा सदस्य बेल बहादुर राना, नेपाली कांग्रेस कञ्चनपुरका उपसभापती मीन बहादुर सिंह, सचिव भीम भट्ट, कोषाध्यक्ष पवन सिंह, क्षेत्रिय सभापतीहरु, प्रदेश सभा सभापतीहरु, नेपाली कांग्रेसका नेता, कार्यकर्ता, खेलाडी, प्रशिक्षक, खेलप्रेमी, पत्रकार लगाएतको उपस्थिति रहेको थियो ।
