महेन्द्रनगर । बेलौरी नगरपालिका–१० स्थित आधारभुत स्वास्थ्य केन्द्रमा सेवा सुरु नगरिदा स्थानीय आधारभुत स्वास्थ्य सेवाबाट बञ्चित भएका छन्।
भवन बनेको १ वर्षभन्दा बढी हँुदा पनि स्वास्थ्य सेवा सञ्चालन नहुँदा स्थानीय मर्कामा परेका छन्।यहीँ आर्थिक वर्षभित्र स्वास्थ्य सेवा सुचारु गरिसक्ने बेलौरी नगरपालिकाका स्वास्थ्य शाखा प्रमुख मान बहादुर चन्दले बताए।
बेलौरी नगरपालिकामा २ स्वास्थ्य चौकी, १ प्राथमिक स्वास्थ चौकी र ७ वटा आधारभुत स्वास्थ्य केन्द्र निर्माण भइरहेको स्वास्थ्य शाखा प्रमुख चन्दले जानकारी दिए।
‘बेलौरी नगरपालिका वडा नम्बर १० मा आधारभुत स्वास्थ्य केन्द्र भवन बनिसकेको छ, वडा नम्बर ५ र ६ मा निर्माणाधीन अवस्थामा छन्,’ उनले भने।बेलौरी नगरपालिका १, ३, ७ र ९ नम्बर वडामा आधारभुत स्वास्थ्य केन्द्रको भवन निर्माण भएर स्वास्थ्य सेवा प्रदान गर्न थालिएको छ।
वडा नं. ५, ६ र १० मा भवन निर्माणाधीन अवस्थामा छन्। यसै आर्थिक वर्षभित्र स्वास्थ्य सेवा दिन सुरु गर्ने चन्दले बताए।बेलौरी नगरपालिका २ र ८ नम्बर वडामा स्वास्थ्य चौकी र वडा नम्बर ४ मा प्राथमिक स्वास्थ्य केन्द्रको नयाँ भवन निर्माणको कार्य सुरु गरिदै छ। अहिले पुरानै भवनबाट सेवा दिइरहेको चन्दले बताए।
बेलौरी नगरपालिकाका सबै वडाका स्वास्थ्य केन्द्रमा एचए, अनमी र स्टाफ नर्सले स्वास्थ्य सेवा दिने छन्।
आधारभुत स्वास्थ्य केन्द्रबाट बिरामी, गर्भवति जाँच, परिवार नियोजनका साधन वितरण, खोप सेवा, सरुवा रोग सम्बन्धि परामर्श सेवा प्रदान गरिने स्वास्थ्य शाखा प्रमुख चन्दले बताए।
