अनसनरत डा.केसीसँग सरकारको संवाद सुरु

कैलाली । विभिन्न पाँचबुँदे माग राखी धनगढीमा अनसनरत डा. गोविन्द केसीसँग सरकारले सहमतिको प्रयास सुरु गरेको छ। शिक्षा सचिव चुणामणि पौडेलले शनिवार सेती प्रादेशिक अस्पताल पुगेर डा. केसी र उनका सहयोगीसँग अनौपचारिक छलफल गरेका छन्। आइतबार प्रधानमन्त्रीका स्वास्थ्य सल्लाहकारसहितको टोली पुगेपछि औपचारिक वार्ता हुनेछ। स्वास्थ्यमा समस्या देखिएपछि डा. केसीलाई शनिवार धर्मशालाबाट सेती प्रादेशिक अस्पतालको आइसियूमा सारेर उपचार भइरहेको छ।