महेन्द्रनगर १६ साउन ।
कञ्चनपुरको भीमदत्त नगरपालिकाले सरसफाई अभियान सुरु गरेको छ । नगरपालिकाले ‘फोहरमैलालाई श्रोतमा नै न्युनिकरण गरौ’’ भन्ने मूल नाराका साथ सरसफाई अभियान सुरु गरेको हो ।
![](https://deshpati.com/wp-content/uploads/2021/07/225305696_4359807114063680_887159860490977171_n-1024x683.jpg)
शनिबारबाट नगरपालिकाले महेन्द्रनगर बजार क्षेत्रमा सरसफाई गरि अभियान थालेको हो । नगरपालिकाले चालु आर्थिक वर्षमा ‘मेरो नगर म आफै सफा गर्छ’ भन्ने नीति लिएको छ । सोही अन्र्तगत नगरपालिकाले सरसफाई अभियानलाई अघि बढाईएको हो ।
![](https://deshpati.com/wp-content/uploads/2021/07/223462489_4359806834063708_685448977972248212_n-1024x683.jpg)
फोहरमैला व्यवस्थापन सम्बन्धि जनचेतना जगाउने र फोहरमैला व्यवस्थापनलाई प्रभावकारी तवरले व्यवस्थापन गर्न सहयोग पुग्ने उदेश्यका साथ युएनडिपीको आर्थिक सहयोगमा भीमदत्त नगरपालिकाले निड्स नेपालसँगको साझेदारीमा हरित पुनःस्थापना प्रवर्द्धन परियोजना सञ्चालन गरेको छ ।
![](https://deshpati.com/wp-content/uploads/2021/07/223884266_4359807537396971_7128436619210652402_n-1024x683.jpg)
नगरपालिकाले वन, वातावरण तथा सरसफाई शाखाले परियोजनासँगको सहकार्यमा अभियान सुरु गरिएको हो । वन, वातावरण तथा सरसफाई शाखा प्रमुख गणेश ठगुन्नाले नगरपालिकाले नियमित सरसफाई अभियानलाई अगाडी बढाउने बताउनु भयो । उहाँका अनुसार सरसफाईसँगै नागरिकलाई आफै सचेत गराउन अभियान सञ्चालन गरिएको हो । सरसफाईसँगै नागरिक सचेतना जोड दिईने उहाँको भनाई छ ।
![](https://deshpati.com/wp-content/uploads/2021/07/227029035_4359806357397089_6673827479364238985_n-1024x683.jpg)
सरसफाई अभियानलाई हरेक शनिबार नियमित रुपमा सञ्चालन गरिनेछ । नगरपालिकाले दैनिक रुपमा सफासफाई कर्मीमार्फत फोहोर संकलन गरि व्यवस्थापन गदैँ आएको छ । नगरपालिका कार्यालय परिसरबाट सुरु भएको सरसफाई अभियान बजार क्षेत्रका गल्लिहरु हुदै भिमदत्त स्मृती पार्कमा पुगेर समापन गरिएको थियो ।
![](https://deshpati.com/wp-content/uploads/2021/07/228382266_4359806204063771_4275315233412846248_n-1024x683.jpg)
सरसफाई अभियानमा भीमदत्त नगरपालिका जनप्रतिनिधि, कर्मचारी, सरसफाई कर्मीहरु, निड्स नेपाल, हरित पुनःस्थापना प्रवर्द्धन परियोजनाका कर्मचारी, स्थानीय, वडा प्रहरीका कार्यालय महेन्द्रनगरका प्रमुख अमर माझीसहितको टोली सरसफाई अभियानमा सहभागी भएको रहेको थियो ।
![](https://deshpati.com/wp-content/uploads/2021/07/222712092_4359805414063850_9132970906630176726_n-1024x683.jpg)
पुरै नगरकालाई स्वच्छ र सफा बनाउन परियोजनले काम अघि बढाई सकेको परियोजनाका संयोजक केशबराज पन्तले बताउनु भयो । उहाँले सरसफाईसँग त्यसको दिर्घकालिन समाधानका लागि नगरवासिलाई फोहोरबारे सचेतना जगाईने बताउनु भयो ।
![](https://deshpati.com/wp-content/uploads/2021/07/225081210_4359804474063944_4666253610651186974_n-1024x683.jpg)
अभियान आगामी दिनहरुमा स्थानीय सक्रिय सहभागिता र टोल विकाश संस्थाको आगुवईमा साप्ताहिक रुपमा नियमित अभियान सञ्चालन गर्ने योजना उहाँको भनाई छ ।