एनएमबि बैंक लिमिटेड महेन्द्रनगर शाखाको आर्थिक सहयोगमा श्री महेन्द्रनगर माध्यामिक बिद्यालय (साधारण) मा साईकल स्टेण्डको निर्माण कार्य सम्पन्न गरी सोको बुधबार आयोजित एक समारोह बिच समुदद्याटन गरेको छ ।
बैंकले सामाजिक उत्तरदायित्व अन्तर्गत बिद्यार्थीलाई साईकल राख्न सहज र सुरक्षित हुने साथै विद्यार्थीको शैक्षिक बिकासमा समेत सहयोग पुग्ने उद्येश्यले बिद्यालयलाई साईकल स्टेण्ड निर्माण गर्न आर्थिक सहयोग प्रदान गरेको जनाएको छ ।
बिद्यालयमा बुधवार आयोजित कार्यक्रममा बैंकका सुदुरपश्चिम तथा कर्णाणी प्रदेश प्रमुख श्याम अधिकारी र विद्यालय व्यवस्थापन समिति अध्यक्ष विरेन्द्रराज विष्टले संयुक्त रुपमा समुदद्याटन गरेका हुन् । उक्त कार्यक्रममा बैंकका तर्फबाट बरिष्ठ एरिया मेनेजर शुसिल बहादुर सिँह, महेन्द्रनगर शाखा प्रवन्धक खेमराज उपाध्याय, विजनेश डेभलोप्मेन्ट म्यानेजर अन्जु भट्ट र विद्यालयका तर्फबाट प्र.अ. देवराज भट्ट, सहायक प्र.अ. भुवनदेव लेखक, सरस्वती भाट, शिक्षक प्रतिनिधी विर बहादुर भण्डारी, लेखापाल महानन्द पाण्डेय, रेडक्रस संयोजक विष्णु दत्त भट्ट, विद्यालय व्यवस्थापन समिति सदस्यहरु र शिक्षक शिक्षिकहरुको उपस्थिती रहेको थियो ।
एनएमबि बैंक लिमिटेड Bank of the Year, Nepal 2017,2018 & 2020 तथा The Bank of The Year Asia 2021 पनि रहेको छ।
