बाजुरा । अविरल वर्षाका कारण बाजुराको त्रिवेणी नगरपालिका–९ ताम्सुमा गएराति पहिरोले घर पुरिँदा बेपत्ता भएकी महिलाको शव भेटिएको छ। घर पुरिएर बेपत्ता भएकी स्थानीय २० वर्षीया प्रतीक्षा थापाको शव भेटिएको हो।
सुरक्षाकर्मी र स्थानीयको टोलीले पहिरोले पुरिएको घरभित्रै थापाको शव फेला पारेको जिल्ला प्रहरी कार्यालयका सूचना अधिकारी नरेशबहादुर शाहीले जानकारी दिए। पहिरोले स्थानीय धर्म थापा र कर्णबहादुर थापाको घर पूर्ण रूपमा क्षति भएको छ।
पहिरोमा परी घाइते भएका स्थानीय धर्म थापा र धौलीदेवी रावलको जिल्ला अस्पतालमा उपचार भइरहेको प्रहरीले जनाएको छ। यस्तै, पहिरोका कारण बस्तीका अन्य घरहरू पनि जोखिममा परेको स्थानीय दीपेन्द्र थापाले बताए।
