महेन्द्रनगर । विश्वकै सबैभन्दा ठुलो समाजिक संस्था लायन्स क्लव इन्टरनेशनल अन्तर्गत लियो जिल्ला परिषद् ३२५ ‘एन’ लियो क्लव अफ महेन्द्रनगर सिटि स्माइलको अध्यक्षमा लियो शंकरदत्त अवस्थी चयन भएका छन् ।
शनिवार क्लवको ७ औँ साधारण सभा तथा अधिवेशनबाट लायन्स वर्ष २०२४/०२५ का लागी अध्यक्षमा लियो शंकरदत्त अवस्थी सर्वसम्मत चयन भएका हुन् ।
यस्तै प्रथम उपाध्यक्षमा लियो सुरेश गिरी, सचिवमा लियो अमृत विक र कोषध्यक्षमा लियो पदम साउँद चयन भएका छन् ।
लियो क्लव अफ महेन्द्रनगर सिटि स्माइलका क्लव एड्भाइजर, लायन जिल्ला परिषद् ३२५ ‘एन’ का पिआरओ इन चिफ तथा लियो जिल्ला परिषद् ३२५ ‘एन’ का लियो क्लव चेयरमेन लायन जगदिशचन्द्र भट्टको प्रमुख आथित्यता एवम् लायन जिल्ला परिषद् ३२५ ‘एन’ का रिजन चेयरपर्सन लायन प्रकाश खड्का, लियो जिल्ला परिषद् ३२५ ‘एन’ नेपालका जिल्ला अध्यक्ष लियो मदन गिरी, सचिव लियो देवेन्द्र खड्का लगाएतको उपस्थितिमा उक्त कार्यक्रम सम्पन्न भएको छ ।
कार्यक्रममा वक्ताहरुले निवर्तमान कार्यसमिति र नव गठित समितिका पदाधिकारीलाई बधाई तथा शुभकामना दिदैँ समाजसेवाका कामलाई निरन्तरता दिन आग्रह गरेका थिए । लायन्स, लियो क्लवहरुले निरन्तर समाजमा विभिन्न किसिमका सामाजिक कार्य गर्दै आएका छन् ।
