महेन्द्रनगर । कञ्चनपुरमा कोरोना भाइरसका कारण व्यवसाय गुमाएका कृषक तथा समुहलाई कृषिजन्य सामाग्री सहयोग गरिएको छ ।
बुधबार एक कार्यक्रमका विच कृष्णपुर नगरपाकिलाको समन्वय तथा केयर नेपाल र निड्स नेपालको साझेदारीमा कोरोनका कारण व्यवसाय गुमाएका जिल्लाको कृष्णपुर नगरपालिका–१,३,७ र ८ नम्बर वडाका ६० किसानलाई प्रति कृषक ५ हजार मुल्य बराबरको कृषि सामाग्री वितरण गरिएको निड्स नेपाल कञ्चनपुरले जनाएको छ ।
कोभिड १९ दोस्रो लहर आपतकालिन प्रतिकार्य परियोजनाको सहयोगमा कोभिड संकटका कारण ब्यवसाय गुमाएका समुहहरुलाई ब्यवस्थित गर्ने साथै कृषिजन्य सर सामग्रीहरुको सहयोग मार्फत जिविको पार्जनमा टेवा पु¥याउने उदेश्यका साथ कृषि सामग्री वितरण गरिएको परियोजना संयोजक केशव मलासीले बताए ।
उनका अनुसार कोभिड–१९ बाट प्रभावित कृषकहरुलाई कृषिजन्य सामग्रीहरुको सहयोगका लागि कृषि सामग्री भौचर कार्डको वितरण गरिएको र उक्त ६० जना कृषक घरधुरी बराबर रु ३ लाख बराबरको भौचर कार्ड वितरण गरिएको छ ।
निम्न कृषि सामग्री सहयोग गरिएको
- काउली बिउ
- टमाटर
- खुर्सानी
- मुला
- बन्दा
- धनिया
- पोटेटो जिकँ
- कृषि पोषक
- स्प्रे टयाँकी
- नर्सरी प्लास्टिक
- प्लास्टिक
- दाँते
- खुर्पी
- कुटो
- कोदालो
- हजारी
