महेन्द्रनगर । बैतडी जिल्लाको मेलौली नगरपालिकाकी अन्दाजी १६ वर्षीया किशोरीमाथि तीन महिना पहिले बलात्कार भएको खुलेको छ ।
जिल्ला प्रहरी कार्यालय बैतडीका प्रवक्ता प्रहरी निरीक्षक लोकराज जोशीका अनुसार मेलौली नगरपालिका- २ का २२ वर्षीय अशोकबहादुर चन्दले बलात्कार गरेको आरोप छ । किशोरीमाथि गत फागुनमा बलात्कृत भएर गर्भवती भएको भन्दै जाहेरी परेको हो ।
उनीमाथि किशोरीका आफन्तको जाहेरीका आधारमा आरोपित चन्दलाई पक्राउ गर्न अदालतबाट पक्राउ पूर्जी ल्याई खोजी कार्य भइरहेको प्रवक्ता जोशीले बताएका छन्। चन्द फरार रहेका बताइएको छ।
उनी गएको स्थानीय तह निर्वाचनमा म्यादी प्रहरी भएर काम गरेको समेत खुल्न आएको प्रहरीले जनाएको छ।
