महेन्द्रनगर । आइतबार बिहान पोखरामा भएको यति एयरलाइन्सको एटिआर जहाज दुर्घटनामा ६९ जनाको मृत्यु भएको पुष्टि भएको छ ।
जिल्ला प्रहरी कार्यालय कास्कीका प्रमुख एसपी अजय केसी अनुसार साँझ साढे ४ बजेसम्म ६९ जनाको शव फेला परेको होला ।
![](http://ekpatra.com/wp-content/uploads/2023/01/Screenshot_20230115_171158.jpg)
तीमध्ये ३४ शव गण्डकी अस्पतालमा लगिएको छ । ३२ जनाको शव प्रहरीले घटनास्थलमा संकलन गरिसकेको छ ।
तीन जनाको शव फेला परे पनि निकाल्न कठिन भइरहेको एसपी केसीले जानकारी दिए ।
प्रहरीले क्रेनको प्रयोग गरेर पनि शव निकाल्न खोजेको थियो । तर उक्त क्रेनबाट पनि शव निकाल्न सम्भव नभएको केसीले बताए ।
‘खोंचमा तीन जनाको शव देखिएको छल। तर निकाल्न सकिएको छैन,’ उनले भने, ‘क्रेन पनि प्रयोग गर्यौं। तर त्यसबाट पनि सम्भव भएन ।’
![](http://ekpatra.com/wp-content/uploads/2023/01/Screenshot_20230115_171145.jpg)
यस्तै तीन जनाको अवस्था भने अझै अज्ञात रहेको उनले बताए । उनीहरूको पनि खोजी भइरहेको छ ।
घटनास्थलमा उद्धार तथा खोजतलासको काम आज नै सक्न सम्भव नभएको पनि एसपी केसीले बताए ।
![](http://ekpatra.com/wp-content/uploads/2023/01/Screenshot_20230115_171211.jpg)
आइतबार बिहान साढे १० बजे काठमाडौंबाट पोखराका लागि उडेको यति एयरको जहाज ११ बजे दुर्घटना भएको होला ।
जहाज पोखरा-१५ स्थित सेती नदीको खोंचमा दुर्घटनामा परेको हो ।
दुर्घटनामा परेकामध्ये पाँच जनाको सनाखत भएको छ ।
लक्ष्मी पौडेल, सुशील श्रेष्ठ, संगीता शाही, निशान्त आचार्य र सदारत अलिमिया, निरा छन्त्यालको सनाखत भएको छ ।
![](http://ekpatra.com/wp-content/uploads/2023/01/Screenshot_20230115_171130.jpg)