महेन्द्रनगर । केहि दिन अगाडी प्रकाशित एसईई परिक्षा–२०८० मा उत्कृष्ट अंक ल्याउने विद्यार्थीहरुलाई सम्मान गरिएको छ ।
शनिवार एन प्याब्सन कञ्चनपुरका अध्यक्ष शतिस चन्दको अध्यक्षता तथा भीमदत्त नगरपालिकाका नगर प्रमुख पदम बोगटीको प्रमुख आथित्यतामा आयोजित एक कार्यक्रमका विच एन प्याब्सन कञ्चनपुरले जिल्लामा उत्कृष्ट अंक ल्याउने एन प्याब्सन अन्तर्गतका १२६ जना विद्यार्थीहरुलाई सम्मान गरेको हो ।
एन प्याब्सन कञ्चनपुरले एसईई परिक्षामा ३.६ जिपिए भन्दा माथी अंक ल्याएका १२६ जना विद्यार्थीहरुलाई सम्मान गरेको हो । यस्तै एन प्याब्सन कञ्चनपुरमा आवद्ध उत्कृष्ट नतिजा ल्याउने २२ वटा विद्यालयलाई समेत सम्मान गरिएको छ ।
उक्त बधाई तथा सम्मान कार्यक्रममा नगरप्रमुख बोगटीले एसईईमा उत्रिर्ण विद्यार्थीहरुलाई बधाई तथा उज्वल भविष्यको कामना गर्दै निजि विद्यालयहरुले देशकै शैक्षिक क्षेत्रमा महत्वपूर्ण योगदान गरेको बताए ।
यस्तै उनले पछिल्लो समय युवाहरु लागु औषधमा फसिरहेकाले चिन्ता व्यक्त गर्दै त्यसबाट बच्न र खेलकुद, पढाई तथा सकारात्क कुराहरुमा ध्यान दिन विद्यार्थीहरुलाई आग्रह गरे ।
उक्त कार्यक्रमका भीमदत्त नगरपालिकाका नगर उपप्रमुख नीलम लेखक जोशी, एन प्याब्सनका केन्द्रिय उपाध्यक्ष श्याम सिंह मौनी, भीमदत्त नगरपालिकाका नगर प्रवक्ता पदमराज अवस्थी, भीमदत्त नगरपालिका सामाजिक विकास समिति संयोजक सुशिल भट्ट, एन ब्याब्सन कञ्चनपुरका सल्लाहाकार, पदाधिकारी, शिक्षक, शिक्षिकाहरु लगाएत विद्यार्थीहरुको उपस्थिति रहेको थियो ।
