दार्चुला । दार्चुलाको व्यास गाउँपालिका–३, गल्थास्थित भिरबाट लडेर घाइते भएका एक पुरुषको प्रहरी टोलीले सकुशल उद्धार गरेको छ।
शुक्रबार बिहान करिब १०:१५ बजे स्थानीय ५५ वर्षीय मदनसिंह डडाल घरबाट सुनसेरातर्फ जाने क्रममा बाटोको भिरबाट अनुमानित २०–२५ मिटर तल खस्नुभएको थियो।
भिरबाट खसेर टाउकोमा चोट लागेका डडालको खबर पाउनासाथ खटिएको प्रहरी र स्थानीयको संयुक्त टोलीले उद्धार गरेको हो। उद्धारपश्चात् घाइते डडाललाई उपचारका लागि नजिकैको स्वास्थ्य संस्थामा पठाइएको र घटनाको थप विवरण आउन बाँकी रहेको प्रहरीले जनाएको छ।
