महेन्द्रनगर ।कञ्चनपुरको शुक्लाफाँटा राष्ट्रिय निकुञ्जले खोलेको खर खडाइमा गएका एक जना महिला हात्तीको आक्रमणबाट घाइते भएकी छन् । बेलडाँडी स्थित ढक्का बस्ने ५० वर्षीया ललु सार्की बुधबार दिउँसो खर काट्ने क्रममा घाइते भएकी हुन् ।
एक्स–रे रिपोर्टमा घाइतेको भित्री शरीरमा बढी चोट लागेको देखिएकोले बेलौरी अस्पतालमा प्राथमिक उपचारपछि थप उपचारका लागि धनगढी रेफर गरिएको ईशान मेमोरियल अस्पतालले जनाएको छ । घाइतेको परिवार आरक्षपीडित समेत रहेकोले उपचार खर्चका लागि याचना समेत गरिरहेको छ ।
