काठमाडौं । भेनेजुएलामा गएको विनाशकारी भूकम्पमा परी ज्यान गुमाउनेको सङ्ख्या एक हजार ९४३ पुगेको छ। भेनेजुएलाको राष्ट्रिय सभाका अध्यक्ष जोर्ज रोड्रिग्जले भूकम्पका कारण हालसम्म दश हजार ५०० जनाभन्दा बढी मानिस घाइते भएको पुष्टि गरेका छन्।
प्रेस विज्ञप्तिमार्फत रोड्रिग्जले अहिलेसम्म १५ हजारभन्दा बढी प्रभावित मानिस दर्ता भएको र राहत तथा उद्धार कार्य सुरु भएदेखि ६ हजार ४६१ जनाको जीवितै उद्धार गरिएको बताएका छन्। उहाँका अनुसार भूकम्पमा परी हजारौँ मानिस अझै बेपत्ता रहेका छन्।
संयुक्त राष्ट्र सङ्घको तथ्याङ्कअनुसार भूकम्प प्रभावित क्षेत्रमा लगभग ५० हजार मानिस अझै बेप त्ता छन्। बेपत्ता भएकाहरूको खोजी तथा उद्धार कार्यलाई तीव्रता दिइएको अन्तर्राष्ट्रिय सञ्चारमाध्यमहरूले जनाएका छन्।
