महेन्द्रनगर। कैलालीमा ट्याक्टर दुर्घटना हुँदा सहचालकको मृत्यु भएको छ भने चालक गम्भीर घाइते छन्।
शुक्रबार बिहान से १ त ६१९३ नम्बरको ट्याक्टर गोदावरी नगरपालिका–१२ को रातापानी सामुदायिक वनमा दुर्घटना भएको हो।
दुर्घटनामा कञ्चनपुरको पुनर्वास नगरपालिकाका ४० वर्षीय मनीराम चौधरीको मृत्यु भएको प्रहरीले जनाएको छ। प्रहरीका अनुसार चौधरीको ट्याक्टरको इन्जिनमा च्यापिएर मृत्यु भएको हो।
उनी सहचालक हुन्। दुर्घटनामा ट्याक्टर चालक पुनर्वास नगरपालिका–१० का ४१ वर्षीय सत्तु राना गम्भीर घाइते भएका छन्। उनको धनगढीस्थित माया मेट्रो अस्पतालमा उपचार भइरहेको छ।
