बैतडी। बैतडीको मेलौली नगरपालिका–१ का वडाध्यक्षमाथि उनकै वडा कार्यालय सहयोगीले कुटपिट गरेका छन्।
बैतडीको मेलौली नगरपालिका–१ का वडाध्यक्ष सुरतसिंह नेगीलाई उनकै वडा कार्यालयमा कार्यालय सहयोगी पदमा कार्यरत जनार्दन नेगी र उनका छोरा पारश मिलेर कुटपिट गरेको प्रहरीले जनाएको छ।
बिहीबार राति ९ बजेको समयमा स्थानीय बजारमा नेगीमाथि तराजुको ढकले प्रहार गर्दा वडाध्यक्ष नेगीका घाइते बनाएका कार्यालय सहयोगी बुबा छोरा दुबै जनालाई पक्राउ गरिएको प्रहरीले जनाएको छ।
घाइते वडाध्यक्षको डडेल्धुरा अस्पतालमा उपचार भइरहेको छ ।
